🏠 როგორ მოვაშოროთ აგურზე გამოსული (თეთრი ნადები) მარილები და შემდეგ დავამუშაოთ ის პროფილაქტიკის მიზნით?

აგურზე თეთრი ნადები (მარილები) განსაკუთრებით შემოდგომასა და გაზაფხულზე იჩენს თავს. 

აგური ერთგვარი მყარი ფოროვანი მასალაა, რომელიც შესანიშნავად შთანთქავს ტენიანობას, ის თავის მხრივ, შეიცავს მარილის სხვადასხვა მინარევებს. 

გარკვეულ ტემპერატურაზე მარილები ბუნებრივად „ორთქლდება“, აგურის ზედაპირზე გაშრობისას კრისტალიზდება და წარმოქმნის ლაქებს.
თეთრი ნადები განსხვავდება მისი ქიმიური შემადგენლობით, ამიტომ მისი მოცილების მიდგომაც განსხვავებულია. 

ზოგიერთი ნადები შეიძლება ადვილად ჩამოირეცხოს ძმრით, წყლით და გაზავებული სარეცხი საშუალებით (გამოდგება მხოლოდ ახლად გამოჩენილი ნადების მოსაშორებლად). დიდი ხნის ამოსული თეთრი ნადები კი (მარილები) პირველივე ცდიდან შეიძლება არ მოშორდეს პროფესიონალური საწმენდი ქიმიკატების მეშვეობითაც კი.

ნადების ჩამოსარეცხი ხსნარის დამზადება თავადვე შეგიძლიათ. დაგჭირდებათ მარილმჟავას ორი-ოთხი პროცენტიანი ხსნარი. (არ დაგავიწყდეთ მოიმარაგოთ ხელთათმანები და დამცავი სათვალეები). მეორე ვარიანტია და უფრო მარტივი: ჩვეულებრივი სარეცხი საშუალება და ორი-სამი სუფრის კოვზი ძმარი ერთ სათლში მოურიეთ წყალთან ერთად. კიდევ შეიძლება ნიშადურის სპირტის გახსნა 1 სათლში წყალთან ერთად. იყიდება ბრენდირებული მზა ნადების ჩამოსარეცხი მასალებიც.

ნადების მოსაშორებლად უნდა იქნას გამოყენებული ლილვაკი ან ფუნჯი. ნებისმიერი ხსნარის წასმიდან რამდენიმე წუთის შემდეგ, კარგად ჩამორეცხეთ წყლით. შეგიძლიათ გამოიყენოთ ხისტი ჯაგრისიანი ფუნჯი და ფრთხილად დაამუშაოთ ის თეთრი ნარჩენები, რომელიც ჩნდება აგურზე.

შემდეგ კედელი უნდა გაშრეს. ამის შემდეგ ჩვენ შეგვიძლია გადავიდეთ ნადების ხელახლა გამოჩენის პროფილაქტიკაზე – ეს არის ჰიდროფობიზაცია ან ჰიდროიზოლაცია. მარტივად რომ ვთქვათ, კედლის გაჟღენთვით ჩვენ ვქმნით წყალგაუმტარ ფირს. დამცავ ხსნარს შეუძლია რამდენიმე სანტიმეტრის სიღრმეში შეაღწიოს აგურში და გახდეს ერთგვარი ჯავშანი.

ჩვენ გთავაზობთ კედლის ჰიდროფობიზატორს QIS EMPRENYE.